Anocht agus amárach léireofar dráma úrnua Gaeilge An Chos Eile le Seán Mac Dhonnagáin, a léireofar Dé Luain agus Dé Máirt seo chugainn san axis i mBaile Munna.
Beirt pheileadóirí gaelacha iad Brian agus Cathal, agus tús á chur acu le séasúr nua leis an gclub áitiúil. Ach nuair phógann siad a chéile gan choinne tar éis an chéad chluiche, ní fada go dtuigtear dóibh go bhféadfadh an cor nua sa chaidreamh eatarthu teacht salach ar a saol sa spórt.
Agus an séasúr ag leanúint ar aghaidh agus an caidreamh ag dul i ndoimhneacht, an féidir leo an fhírinne a insint don fhoireann? Scéal teacht in aois é An Chos Eile, agus iniúchadh ar an aiteacht i spórt na bhfear.
Beidh fortheidil Bhéarla ar fáil dóibh siúd nach bhfuil an Ghaeilge ar a dtoil acu mar sin beirigí libh bhur gcairde. Beidh fáilte mhór rompu go léir.
Is léiriú de chuid AerachAiteachGaelach é an dráma seo atá á mhaoiniú ag Foras na Gaeilge.
Cliar agus foireann:
Seán Mac Dhonnagáin (scríbhneoir | writer)
Em Ó Ceallaigh/Ball (stiúrthóir | director)
Kevin Johnston (léiritheoir | producer)
Sinéad O'Donnell Carey (dearthóir an tseit, na n-éadaí agus na n-ábhar closamhairc | set, costume and AV designer)
Lara Gallagher (dearthóir fuaime | sound designer)
Caroline Norris (dearthóir soilse | lighting designer)
Olivia Drennan (bainisteoir léirithe | production manager)
Donncha Crowley (aisteoir | actor)
Oisín Thompson (aisteoir | actor)
Oliver Flitcroft (aisteoir | actor)
Seosamh Mac Seoin (aisteoir | actor)
Ticéid ar fáil don dráma anseo
